හිමි! අහිමි!!!!
ජීවිතේ පුරාවට
නුඹ නමින් හිත හදන්
මම උන්නු අපූුරුව
මට ම පුදුමයි..
හීන උඩ පාවෙච්ච මල් හීන පාට කළ නුඹ නමින් ලියූ කවි හොරු අරන්..
රිදෙන තුරු මග බලන් ඇස් කෙවෙනි බොඳ වෙච්ච මතක ගිනි අවුලව යි
නුඹ නමින්...
නවතිමි
මහන්සියි
ඇත්තටම දැන්
මට බර වැඩියි
මෙ කදුළු මෙ සුසුම්...
අත් හරිමි ආදරෙන්
නුඹට සුභ පතමි
හදවතින්.....
- මධුෂිකා -
විහඟ තුඩකින් කොඳුර කොඳුරා ගැයූ ගී මාලා... පියා සලලා ඈත භවයේ දසත සැරිසරලා... නැවත නැවතත් එකට එක්වී අපි අපේ වීලා... හදවතේ බැමි හරිම පුදුමයි එකට එක බැඳිලා...
ජීවිතයේ බැරි දවසට ළඟින්ම ඉඳගෙන.... සැනසීමක් ගෙන එන විට සිතුවිලි ලස්සන... ඇති හැකි විට ළඟ සිටිනා මිතුරන් විලසින... හඳුනා ගැනුම ද පිනක්ය හදවත සනසන
- ඇන්ජලා පැල්පොළ -