අපි රනිල්ට පොදුජන පෙරමුණේ මැති ඇමති රැසක් කියති
ප්‍රචාරක වැඩ දේශපාලන පක්ෂ ඕසෙට පටන් අරන්.
ඒත් පොපෙ - එජාප දෙක ම තාම නිහඩයි
ජනාධිපතිවරණයට ඇත්තේ තවත් මාස හයකටත් අඩු කාලයක් බැවින් ප්‍රධාන දේශපාලන පක්ෂ ඒ සඳහා සිය ප්‍රචාරක කටයුතු වේගවත් කරමින් සිටිනවා. සමගි ජන බලවේගය සහ ජාතික ජන බලවේගය එහි ප්‍රාදේශීය මට්ටමින් සිය ප්‍රචාරක කටයුතු කරගෙන යන නමුත් ආණ්ඩුවේ ප්‍රධාන පක්ෂය වන ශ්‍රී ලංකා පොදුජන පෙරමුණ සහ එක්සත් ජාතික පක්ෂය ඒ පිළිබඳව ඇල්මැරුණු ස්වරූපයෙන් කටයුතු කිරීම බොහෝ දෙනා ට ප්‍රශ්නයක් වී තිබෙනවා.
සමගි ජන බලවේගයේ ජනාධිපති අපේක්ෂකයා ලෙස සජිත් ප්‍රෙමදාස මහතාත් ජාතික ජන බලවේගයේ ජනාධිපති අපේක්ෂකයා ලෙස අනුර කුමාර දිසානායක මහතාත් ඉදිරිපත් වන බව එම පක්ෂ විසින් පැහැදිලිව ම කල්තබා නිවේදනය කළා.
එහෙත් එක්සත් ජාතික පක්ෂය සිය අපේක්ෂකයා ගැන තවම පැහැදිලි ප්‍රකාශයක් සිදු කොට නැහැ. තමා ජනාධිපතිවරණයට තරග කරන බව රනිල් වික්‍රමසිංහ මහතා ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්ෂ සමඟ පවසා තිබුණා. එහෙත් රනිල් වික්‍රමසිංහ මහතා තමා තරග කරන බව මෙතෙක් ප්‍රසිද්ධියේ ප්‍රකාශ කොට නැහැ.
එක්සත් ජාතික පක්ෂයේ සභාපති වජිර අබේවර්ධන සහ උප නායක රවි කරුණාතිලක මහත්වරු පවසන්නේ රනිල් වික්‍රමසිංහ මහතා නිර්පාක්ෂික පොදු අපේක්ෂකයකු ලෙස ජනාධිපතිවරණයට ඉදිරිපත් වන බවයි.පොපෙ ඇමතිවරු බහුතරයක් අපි රනිල්ට යි කියති
මේ අතර ආණ්ඩු පක්ෂයේ නායකයින් ගේ රැස්වීමක් පසුගිය 25 වැනිදා ජනාධිපති කාර්යාලයේ දී දිනේෂ් ගුණවර්ධන, අනුර යාපා, මහින්දානන්ද අලුත්ගමගේ, ප්‍රසන්න රණතුංග, හරීන් ෆ්‍රනාන්දු, කාංචන විජේසේකර, නිමල් සිරිපාල ද සිල්වා, මහින්ද අමරවීර යන මහත්වරුන් සහභාගි වී සිටියා. එහිදී දැනට ආණ්ඩුව විසින් ආරම්භ කරැති සංවර්ධන කටයුතු ඉදිරියට ගෙන යෑම ගැන සාකච්ඡා වූ බවත්, පළාත් පාලන ආයතනවල වසර ගණනාවක් තිස්සේ අනියම් පදනමින් සේවය කරන සේවකයින් ගේ රැකියා ස්ථිර කිරීම ගැන තිරණයක් ගන්නා බවත් රාජ්‍ය ඇමති ජානක වක්කුඹුර මාධ්‍ය වෙත ප්‍රකාශ කළා. ජනාධිපතිවරණය ගැන මෙහිදී සාකච්ඡා කළේ දැ
