බංගලාදේශයේ හමුදා ගුවන් යානයක් පාසලකට කඩා වැටේ

බංග්ලාදේශ ගුවන් හමුදා පුහුණු ජෙට් යානයක් ඩකා අගනුවර පාසල් පරිශ්‍රයකට කඩා වැටීමෙන් අවම වශයෙන් පුද්ගලයින් 19 දෙනෙකු මිය ගොස් 164 දෙනෙක්  තුවාල ලබති.

උත්තරා හි උතුරු උපනගරයේ පිහිටි මයිල්ස්ටන් පාසල සහ විද්‍යාලයේ දර්ශනවල ගුවන් යානය දෙමහල් ගොඩනැගිල්ලකට හැපීමෙන් පසු විශාල ගින්නක් සහ ඝන දුමාරයක් දක්නට ලැබේ.

එරට වේලාවෙන් පස්වරු 13:00 ට (GMT 07:06) මෙම අනතුරුව සිදුව ඇත.  පුහුණු අභ්‍යාසයක් සඳහා ගුවන් ගත වීමෙන් පසු F-7 ජෙට් යානය යාන්ත්‍රික දෝෂයකට ලක් වූ බව සන්නද්ධ හමුදා ෆේස්බුක් හි ප්‍රකාශයක් නිකුත් කරමින් කියා සිටියේය. මියගිය අය අතර නියමුවා ද සිටි බව ගුවන් හමුදාව වැඩිදුරටත් පැවසීය.

පිළිස්සුම් හා ප්ලාස්ටික් සැත්කම් පිළිබඳ ජාතික ආයතනයේ වෛද්‍යවරයෙක් පැවසුවේ ළමුන් සහ වැඩිහිටියන් ඇතුළු 50 කට වැඩි පිරිසක් පිළිස්සුම් තුවාල සහිතව රෝහල් ගත කර ඇති බවයි.

පාසලට ඇතුළත් වන සිසුන්ගේ වයස් සීමාව අවුරුදු හතරත් 18 ත් අතර වේ.

විද්‍යාලයේ ගුරුවරයෙකු වන රෙසාවුල් ඉස්ලාම් බීබීසී ට පවසා ඇත්තේ ගුවන් යානය ගොඩනැගිල්ලේ "සෘජුවම" ගැටෙනු දුටු බවයි.

තවත් ගුරුවරයෙකු වන මසුඩ් තාරික් රොයිටර් පුවත් සේවයට පැවසන ලද්දේ පිපිරීමක් ඇසුණු බවයි:

"මම ආපසු හැරී බලන විට, මට පෙනුණේ  ගින්නක් සහ දුම පමණයි... මෙහි බොහෝ ආරක්ෂකයින් සහ ළමයින් සිටියා."

"මගේ ඇස් ඉදිරිපිටම" ගුවන් යානය ගොඩනැගිල්ලේ ගැටෙන ආකාරය දුටු බව ශිෂ්‍යයෙක් මාධ්‍යයට පවසා ඇත.

යාන්ත්‍රික දෝෂයක් ඇති වූ පසු, ගුවන් නියමුවා, ෆ්ලයිට් ලුතිනන් එම්. ටවුකිර් ඉස්ලාම්, ජෙට් යානය අඩු ජනාකීර්ණ ප්‍රදේශයකට ගෙන යාමට උත්සාහ කර ඇති බව සන්නද්ධ හමුදා ප්‍රකාශයේ සඳහන් විය. ඔහු අගනුවර ගුවන් හමුදා කඳවුරකින් ගුවන් ගත වී ඇත්තේ මෑතකදීය.

තුවාල ලැබූවන් අසල රෝහල් වෙත මාරු කර ඇති අතර, හදිසි කණ්ඩායම් එම ස්ථානයේ ගලවා ගැනීමේ මෙහෙයුම් දිගටම කරගෙන යති. සිද්ධිය පිළිබඳව සොයා බැලීම සඳහා විමර්ශන කමිටුවක් පිහිටුවා ඇති බව ප්‍රකාශයේ වැඩිදුරටත් සඳහන් වේ.

හදිසි සේවා සේවකයින් විශාල පිරිසක් ගිනිගත් සුන්බුන් අතරට ගොස් දිවි ගලවා ගත් අය සොයා ගැනීමට උත්සාහ කරන ආකාරය සහ අවට ගොඩනැගිලි මතට නැග්ගා විශාල පිරිසක් ඔවුන් දෙස බලා සිටින ආකාරය දර්ශනය වන ඡායාරූපවල දැක්වේ.

(රොයිටර් පුවත් සේවය වීදිවල සහ නිම නොකළ ගොඩනැගිලි මත සිටගෙන සිටින ජනතාව, සෙනඟ අතරින් ගමන් කරන ගිලන් රථයක් දෙස බලා සිටිති - රොයිටර් පුවත් සේවය)

බංග්ලාදේශ අන්තර්කාලීන රජයේ නායක මුහම්මද් යූනුස් පැවසුවේ සිද්ධියට හේතුව සොයා බැලීමට සහ "සියලු ආකාරයේ ආධාර සහතික කිරීමට" "අවශ්‍ය පියවර" ගන්නා බවයි.

"මෙය ජාතියට ගැඹුරු ශෝකයක් ගෙන දෙන මොහොතකි. තුවාල ලැබූවන්ට ඉක්මන් සුවය ප්‍රාර්ථනා කරන අතර, අදාළ රෝහල් ඇතුළු සියලුම බලධාරීන්ට මෙම තත්ත්වය සම්බන්ධයෙන් අතිශයින්ම වැදගත් ලෙස කටයුතු කරන ලෙස මම උපදෙස් දෙමි," ඔහු X හි සටහනක සඳහන් කළේය.

බංග්ලාදේශය අඟහරුවාදා ශෝක දිනයක් ප්‍රකාශයට පත් කර ඇති අතර, එහිදී රට පුරා ජාතික ධජය අඩකුඹු කරනු ලැබේ.