සමගි ජන බලවේගය පක්ෂයේ දැනට සිටින පාර්ලිමේන්තු මන්ත්‍රීවරුන් භාගයට වඩා වැඩි පිරිසක් ජනාධිපති රනිල් වික්‍රමසිංහ සමග එක්වනු ඇති බව හිටපු අමාත්‍ය පී හැරිසන් පවසයි.
ඔවුන් ඉදිරි මැතිවරණයට පෙර ජනාධිපති රනිල් වික්‍රමසිංහ සමඟ එක්වන බවට තමන් කැට තබා පවසන බවද හිටපු අමාත්‍යවරයා සඳහන් කළේය.
හිටපු අමාත්‍ය පී.හැරිසන් මෙම අදහස් දක්වා සිටියේ ගාල්ල දිස්ත්‍රික්කයේ එක්සත් ජාතික පක්ෂයේ ජන හමුවක් අමතමිනි.
ජනතා විමුක්ති පෙරමුණටද ටිකක් දීලා බලන්නයි එහි නායකයා ඉල්ලා සිටියද එලෙස අත්හදා බැලීමට ගෝඨාභය රාජපක්ෂයට ලක්ෂ හැට නමයක් එකතුවී බලය ලබාදී වසර දෙක හමාරකින් රට කඩා වැටුණු බවද ඔහු වැඩිදුරටත් පැවසීය.