ෆාරා රූබිට හෙළදිව අපේ සුබ පැතුම්!
ශ්රී ලංකාවේ ජන්මලාභය ලද ෆාරා රූමි මහත්මිය ස්වීට්සර්ලන්තයේ උත්තරීතර මහජන සභාවේ දෙවැනි උප සභාපතිනිය සේ අසුන්ගත වීම ලක්වැසි සැමට ආම්බරයක් සේ සදහන් කළ යුතු ය.
ෆාරා රූමි ස්වීට්සර්ලන්තයේ ෆෙඩරල් පාර්ලිමේන්තුවේ උප සභාපතිනිය සේ පත්වූ පළමුවැනි ශ්රී ලාංකීකයා වීම ඉතිහාසගත වන කාරණයකි.
ග්රෙන්චෙන් හි ජීවත්වන, හවුරුදු 34 ක් වන ෆාරා බෝ සෙයින් ම සුරූපී කතකි. එමෙන් ම සිය වෘත්තීය සේවාවේ මනා නිපුණතාවයක් ඇතිව ක්රියාකරන ඉතා දක්ෂ, ප්රවීණ හෙද නිලධාරිනියකි. එ මෙන් ම ඇය හෘදය රෝග පිළිබඳ විශේෂඥවරියකි.
කොළඹ දී උපන් ෆාරාගේ පියා මොහොමඩ් රූමි මොහිදීන් ය. මව ඉස්ෆියා රූමි ය. ඇගේ තාත්තා තොරතුරු තාක්ෂණ විශේෂඥවරයෙකි. එක් සොවුරියක හා සොවුරකු ඇයට සිටී. කොළඹ දී 1991 දෙසැම්බර් 28 වන දා උපත ලද ඇය පාසල් අධ්යාපනය ලබන්නේ බිෂොප් විදුහලෙනි.
හවුරුදු හයක් සපිරෙද්දී ෆාරා ස්වීට්සර්ලන්තයට සංක්රමණය වන්නේ පවුලේ ඇත්තන් සමඟයි. එහිදී ඈ ග්රෙන්චෙන් හි රජයේ පාසලකට ඇතුළත් කරණු ලැබීමෙන් අනතුරුව ඈ ඉතා දක්ෂ ලෙස අධ්යපනය හදාරා වෘත්තීය දිවියට පිවිස හෘද කැතීටරීකරණ රසායනාගාරයේ හෙද විශේෂඥයෙකු සහ මැදිහත්වීමේ හෘද රෝග විශේෂඥවරියක ලෙස සේවය අරඹා ඇත.
සිට සමාජ ප්රජාතන්ත්රවාදී පක්ෂයේ ජාතික කවුන්සිලයේ (ස්විට්සර්ලන්තය) සේවය කරයි. ඇය මීට පෙර 2021 සහ 2023 අතර කාලය තුළ සොලොතර්න් කැන්ටනල් කවුන්සිලයේ සේවය කළා ය.
රූමි ආර්ගෝ-සොලොතර්න් අංශයේ හෙද කාර්ය මණ්ඩලය සඳහා කම්කරු සංගමයේ සම සභාපති වන අතර වෘත්තීය පාසලක ගුරුවරයෙකු ලෙස සේවය කරන්නී ය.
සොලොතර්න් කැන්ටන්හි සමාජ ප්රජාතන්ත්රවාදී පක්ෂයේ (SP) කැන්ටනල් කවුන්සිලයේ සාමාජිකයෙකු ලෙස ඈ තේරී පත් වන්නේ 2021 දී ය.
ඇය කැන්ටනල් කවුන්සිලයට අපේක්ෂකත්වය දැරීමට පෙර, 2020 දී එස්පී පක්ෂයට සම්බන්ධ වූවා ය, එයට හේතුව COVID-19 වසංගතය අතරතුර හෙද සේවයේ ඇය සතු අත්දැකීම් පදනම් කර ගෙන යි.
2023 ස්විට්සර්ලන්ත පාර්ලිමේන්තු මැතිවරණයේ දී, ෆ්රැන්සිස්කා රොත් ජාතික කවුන්සිලයට නැවත තේරී පත් වීමෙන් අනතුරුව රාජ්ය කවුන්සිලයේ මැතිවරණයේ දෙවන වටයේ ආසනයක් දිනා ගැනීමට සමත්කම් පෑමෙන් පසු, රූමි, පළමු විකල්ප මන්ත්රීවරිය ලෙස, ජාතික කවුන්සිලයට පත්වන්නී ය. එහි ප්රතිඵලයක් ලෙස, රූමි 2023 නොවැම්බර් මස අවසානයේ දී සොලොතර්න් කැන්ටනල් පාර්ලිමේන්තුවෙන් ඉල්ලා අස්විය
එතැන් සිට, රූමි ස්විට්සර්ලන්ත ෆෙඩරල් සභාවේ, සමාජ ප්රජාතන්ත්රවාදී පාර්ලිමේන්තු කණ්ඩායමේ, සාමාජිකාවක් බවට පත්වන්නී ය. විදේශ කටයුතු කමිටුවේ එස්පී නියෝජනය කරන අතර ජාතික කවුන්සිලයේ ප්රතිශක්තිකරණ කමිටුවේ විකල්ප සාමාජිකාවක් ලෙස ද ඇය සේවය කරයි. පාර්ලිමේන්තුවේ ඇයගේ ප්රධාන අවධානයට යොමු වී ඇති ක්ෂේත්ර අතර සෞඛ්ය ප්රතිපත්තිය, සමාජ ප්රතිපත්තිය, විදේශ ප්රතිපත්තිය සහ සමාන අවස්ථා ඇතුළත් වේ.
හෙද සංගමයේ සම සභාපතිනිය වන ආර්ගෝ - සොලොතර්න් අංශයේ, ඇය විශේෂයෙන් හෙද සේවයේ තත්වය සහ සෞඛ්ය සේවා පද්ධතිය වැඩිදියුණු කිරීම සඳහා පෙනී සිටින්නී ය. විදේශ ප්රතිපත්තිය සම්බන්ධයෙන්, ඇය සාමය සහ මානව හිමිකම් සම්බන්ධ, නීති සම්පාදනට මුලපුරමින්, යෝජනා කිහිපයක් ද ඉදිරිපත් කර ඇත.