පපුවෙ ඊතල පහර තිබුණ ද?

දැවෙන හිත් අග

නැඟුණු රාගය

සුව දිදී මොහොතකට

පලා යයි සැණෙකින...

අල්ල ගත්තත් දෙඅත් හෙමිහිට

දැවුණු රාගය නික්ම ගිය කල

අතහැරෙන වේගය මනින්නට

කෝදු තව ඉපදු‍‍ණේ නෑ ලොව....

 වදනකිය මිහිරිය

ප්‍රේමය ලෙසින් නම් ලද

ළං නොවී විඳිනට

වරම් ලැබ ඉපදුණ...

 ළංවී එකිනෙක එකෙක් වූ කල

හිතත් එහෙමම බැඳී තිබුණ ද

රාග ගින්දර නිවුණු පසුවත්

පපුවෙ ඊතල පහර තිබුණ ද....

 සිරුරු බස ගැන නොදැන කිසිදින

ළං නොවන මුත් ගතින් කිසිදින

හිතේ ගැඹුරු ම තැනක ලියලන

ප්‍රේමයක් ඇත හිත නිවාලන....‍

     - සුමුදු චතුරාණී ජයවර්ධන - 

නොදරු කාලෙදි රකින එකනම්

මවකගෙම යුතුකමම විය යුතු

දෙඇස හැර ඇය ලොව බලද්දි

කියා දිය යුතු නොවේද හරි තතු

 හොඳම ආලය හොඳම

ප්‍රේමය

මවුන්ගෙන් දිය යුතුය දෝනිට

පෙම හිඟා එන පෙම්වතුන්

දැක

නොරැවටී දුව ඒවි ගෙදරට

අනවසරයෙන් උරහිසට වැද

නිදන මහතුන් නැගිටවන්නට

කරාටේ ජූඩෝ වගේ ඔය

එකක් හුරු කෙරුවතින්මයි හොඳ

විසකුරුන් මඟ ඇතැයි සැකයෙන්

අගුළු ලනු බෑ දුවව හංගා

හෙට උදාවන ලොව දිනන්නට

යා යුතුය තිමිරයෙන් රිංගා

සරුංගලයක් සේම පාවී

යන්න නිදහස ඇයට දිය යුතු

දරන් කෙළවර නූල තමඅත

නිතින් දිරිදෙන මවක් විය යුතු.......

- කුමුදුනි මෙන්ඩිස් -