කව් මිණි වැල්

- 393 -

අරුණු පස් පතර                  ව

සහ තඹ සිළුන්              මතරව

රිවි එත රත තර                   ව

අනෝමා නම් ගඟින් එතර     ව

පදගතාර්ථය  ---  අරුණු රස්  --- උදා හිරු රැස්  , පතර ව  ---  පැතිර  , තඹ සිළුන්  ---  කුකුළන් ගේ  , මතරව සහ  ---  කොක් හඬ සමඟ  , රිවි  --- සූර්යයා  , රත තර ව  ---  තද රත් පැහැ ගැන්වෙමින්  , එත  --- එන කල්හි  , අනෝමා නම් ගඟින්  --- අනෝමා නම් ගංගාවෙන්  , එ තෙර ව  --- එ තෙර වී -

භාවය  ---  උදා හිරු රැස් පැතිර ගොස්, කුකුළන් ගේ නාදයත් සමඟ සූර්යයා රත් පැහැ නඟමින් උදා වත් ම අනෝමා ගං ‌තෙරින් එ තොරව ගොස්-

394  -

දස පැරුමන්                           බුහුටි

පිරුණෙන් සිතෙහි            නොකිලිටි

කෙළෙසුන් සහ                      දිගැටි

මඟුල් කඩුවෙන් කපා කෙස්        වැටි

පදගතාර්ථය  ---  බුහුටි  --- මැනවින් පුහුණු කොට පුරුදු  , දස පැරුමන්  --- දස පාරමී ධර්මයන්  ,  නොකිලිටි  ---  කිලුටක් නැති  , සිතෙහි පිරුණෙන්  --- සිතෙහි පිරී ගියෙන්  , කෙලෙසුන් සහ  --- සියලු ක්ලේශයන් සමඟ  : දිගැටි කෙස් වැටි  ---  දිගු කෙස් වැටිය ද , මඟුල් කඩුවෙන් කපා  --- සිය මඟුල් කඩුවෙන් කපා--

භාවය  --- හොඳින් පුරුදු කොට සිටි දස පාරමිතා ධර්මයන් නොකිලිටි සිතෙහි පිරී ගියෙන් සියලු කෙලෙස් සමඟ දිග කෙස් වැටිය ද මඟුල් කඩුවෙන් සිඳ දමා ---