කාවන්තිස්සගේ ඝාතකයා අල්ලයි

පසුගිය දිනවල මහත් ආන්දෝලනයකට තුඩු දෙමින් මියගිය ඇත්රජු 'කාවන්තිස්ස' ට වෙඩි තැබූ බවට සැක කෙරෙන පුද්ගලයෙකු  ආරක්ෂක අංශ විසින් සැකපිට අත්අඩංගුවට ගන්නා ලදැ යි පරිසර අමාත්‍යාංශය කියයි.

වලාන මධ්‍යම දූෂණ මර්දන ප්‍රහාරක බලකාය සහ වනජීවී සංරක්ෂණ දෙපාර්තමේන්තුව ඒකාබද්ධව දියත් කළ විශේෂ මෙහෙයුමකදී මෙම සැකකරු අත්තඩංගුවට ගෙන ඇත.

අත්අඩංගුවට ගත් සැකකරු සම්බන්ධයෙන් අදාළ අංශ මඟින් ඉදිරි විමර්ශන කටයුතු ක්‍රියාත්මක අතර, ඔහු අධිකරණය හමුවට ඉදිරිපත් කිරීමට නියමිතය.

වනජීවී සම්පත් හා ජාතික උරුමයන් විනාශ කරන මෙවැනි නීතිවිරෝධී ක්‍රියාවන්ට එරෙහිව දැඩිව නීතිය ක්‍රියාත්මක කිරීමට සියලු ආයතන ඒකාබද්ධව ඉදිරියටත් මෙහෙයුම් ක්‍රියාත්මක කරනු ඇත.