ගුවන් තොටේ දී අගමැති හරිනි ගේ උණුසුම් පිළිගැනීම
කටුනායක බණ්ඩාරනායක ජාත්යන්තර ගුවන්තොටුපොළ වෙත පැමිණි වියට්නාම් සමාජවාදී ජනරජයේ ජනාධිපති සහ වියට්නාම් කොමියුනිස්ට් පක්ෂයේ මධ්යම කමිටුවේ මහලේකම් ටෝ ලාම් (TO LAM) මහතා ඇතුළු රාජතාන්ත්රික නියෝජිත පිරිස අග්රාමාත්ය ආචාර්ය හරිනි අමරසූරිය මෙනෙවිය විසින් මහත් හරසරින් යුතුව පිළිගන්නා ලදී.
පරිසර අමාත්ය වෛද්ය දම්මික පටබැඳි, විදේශ කටයුතු සහ විදේශ රැකියා නියෝජ්ය අමාත්ය අරුන් හේමචන්ද්ර යන මහත්වරු සහ විදේශ කටයුතු අමාත්යාංශයේ ජ්යෙෂ්ඨ නිලධාරීහු පිරිසක්ද මෙම අවස්ථාවට එක්ව සිටියහ.
ජනාධිපති ටෝ ලාම් සමඟ වියට්නාම් රජයේ ජ්යෙෂ්ඨ අමාත්යවරු සහ වියට්නාම් කොමියුනිස්ට් පක්ෂයේ මධ්යම කාරක සභාවේ ලේකම් ඇතුළු ප්රමුඛ දේශපාලන නායකයෝ පිරිසක් මෙම සංචාරයට එක්ව සිටිති.